Main Aisi Mohabbat Karta Hun, Tum kaisi Mohabbat Karti Ho (Complete)

Main Aisi Mohabbat Karta Hoon, Tum Kaisi Mohabbat Karti Ho

Naakaam Nahi,

Naashaad Nahi,

Me Qais Nahi,

Farhaad Nahi,

Punnu Bhi Nahi,

Raanjha Bhi Nahi,
Wamiq Bhi Nahi,
Mirza Bhi Nahi,
Wo Log To Bass Afssany They,
Iss Shiddat Se Begaany They,
Me Zinda Aik Haqeeqat Hoon,
Sar Taapa Jazba-e-Ulfat Hoon,
Me Tum Ko Daikh Kar Jeeta Hoon,
Har Lamha Tum Pe Marta Hoon,
Main Aisi Mohaabat Karta Hoon,
Tum Kaisi Mohabbat Karti Ho..?

Tum Jahan Pe Baith K Jaati Ho,
Jiss Cheez Ko Haath Lagati Ho,
Me Waheen Pe Baitha Rehtaa Hoon,
Uss Cheez Ko Chhoota Rehta Hoon,
Main Aisi Mohaabat Karta Hoon,
Tum Kaisi Mohabbat Karti Ho..?

Tum Jiss Se Hanass Kar Milti Ho,
Me Uss Ko Dost Banata Hoon,
Tum Jiss Rasty Par Chalti Ho,
Me Us se Aata Jaata Hoon,
Main Aisi Mohaabat Karta Hoon,
Tum Kaisi Mohabbat Karti Ho..?

Tum Jin Ko Dekhti Rehti Ho,
Wo Khawab sarhaany Rakhta Hoon,
Me Tum Se Milny Julny K,
Kitny Hee Bahany Rakhta Hoon,
Main Aisi Mohaabat Karta Hoon,
Tum Kaisi Mohabbat Karti Ho..?

Kuch Khawab Saja Kar Aankhon Me,
Palko'n Se Moti Chunta Hoon,
koi Lamas Agar Chhoo Jaye To,
Me Pehroo'n Tum Ko Sochtaa Hoon,
Main Aisi Mohaabat Karta Hoon,
Tum Kaisi Mohabbat Karti Ho..?

Jin Logo'n Me Tum Rehti Ho,
Tum Jin Se Hanass Kar Milti Ho,
Jo Tum Ko Achhy Lagty Hain
Wohi Mujhko Achhey Lagty Hain,
Main Aisi Mohaabat Karta Hoon,
Tum Kaisi Mohabbat Karti Ho..?

Jiss Baagh Me Subha Tum Jaati Ho,
Jiss Sabzy Par Tum Chalti Ho,
Jo Shaakh Tumhy Chhoo Jaati Hai,
Jo Khushboo Tum Ko Bhhaati Hai,
Wo Aos Tumhaary Chehrry Par,
Jo Qatraa Qatraa Girti Hai,
Wo Tilti Chhorr K Phoolo'n Ko,
Jo Tum Se Milne Aati Hai,
Jo Tum Ko Chhony Aati Hai,
Un Sab K Nazuk Jazbo'n Mein,
Mere Dil Ki Dharkan Basti Hai,
Meri Rooh Bhi Shamil Hoti Hai,
Tum Pass Raho Yaa Door Raho,
Nazro'n Me Samaye Rehti Ho,
Me Tum Ko takta Rehta Ho'n,
Me Tum Ko Sochta Rehtaa Hun,
Main Aisi Mohaabat Karta Hoon,
Tum Kaisi Mohabbat Karti Ho..?

Jiss Collge Me Tum Parhti Ho,
Jiss Class Me BHi Tum Jaati Ho,
Jis Kursi Par Tum baith'ti Ho,
jab Class Wohi Khaali Hoti Hai,
Me Jaa K Uss Me Baith'ta Hun,
Uss Kursi Ko Me Choota Hun,
gadla Saa Ik Tissue Paper,
Jo Tum Ne Class Me Chora tha,
Main Pyar Se Uss Ko Chhoota Hun,
Main Uss Ko Parse Main Rakhta Hun,
Main Aisi Mohaabat Karta Hoon,
Tum Kaisi Mohabbat Karti Ho..?

Har Manzar Me Har Rastey Par,
Me Saath Tumhaary Hota Hun,
Me Chasham-e-Tassawur Se Aksar,
Me Tum Ko Daikhta Rehtaa Hun,
Bas Tum Ko Sochta Rehtaa Hun,
Main Aisi Mohaabat Karta Hoon,
Tum Kaisi Mohabbat Karti Ho..?

Main Aisi Mohaabat Karti Hoo'n, Tum Kaisi Mohabbat Karty Ho

Sheeree'n Bhi Nahi,

Laila Bhi Nahi,

Me Heer Nahi,

Azraa Bhi Nahi,

Wo Qissa Hain,

Afsaana Hain,

Wo Geet Hain,

Prem tarana Hain,

Me Zinda Aik Haqeeqat Hun,

Me Jazbaa-e-Ishq Ki Shiddat Hun,

Me Tum Ko Daikh K Jeeti Hun,

Me Har Pal Tum Pe Marti Hun,

Main Aisi Mohabbat Karti Hoon,

Tum Kaisi Mohabbat Karty Ho..?

Jab Haath Duaa Ko Uth'ty Hain,
Alfaaz Kahin Khoo Jaaty Hain,
bass Dhayaan Tumhaara Rehta Hai,
Or Aansoo Behty Rehty Hain,
Har Khawaab Tumhaara Poora Ho,
Uss Rabb Se Minnat Karti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Mujhy Thandak Raas Nahi Aati,
Mujhy Baarsih Se Khauf Aata Hai,
Par Jiss Din Se Maloom Howa,
Hai,Ye Mosam Tum Ko Bhaata Hai,
Ab Jab Bhi Sawan Aata Hai,
Baarish Me Bheegti Rehti Hun,
Qatro'n Me Tumhi Ko Dhondti Hun,
Boondun Se Tumhaara Pochti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Wo Faiz Ho, Meet Ho, Ghalib Ho,
Wo Asghar, Jigar Ho, Jalib Ho,
Wo Saif, AdeemHo, Amjad Ho,
Sab Meri Fehem Se Baala Hain,
Kesa Yeh Khail Niraala Hai,
Un Sab Ko Ghanto'n Parhti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Sab Kehty Hain Iss Dunya Kaa,
Har Rang Tunhi Se Roshan Hai,
Mere ISHQ K Daawedaar Hain Sab,
Sab Mujh Ko Dewi Kehty Hain,
Par Mujhko Aisa Lagta Hai,
Har Rang Tumhi Par Jachta Hai,
Tum Naa Ho To Be-Rang Hun Main,
Be-Ronaq Hai Tasweer Meri,
Tum Khawaab Mera, taabeer Meri,
Tum Se Hai Juri Taqdeer Meri,
Jo Khaak Tumhy Chho Jaati Hai,
Uss Matti Pe Main Marti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Tum  Jab Bhi Ghar Par Aaty Ho,
Or Sab Se4 Baatein Karty Ho,
Me Oot Se Pardy Ki Jaana,
Bass Tum ko daikhti Rehti Hun,
Ik Tum Ko Dekhny Ki Khtair,
Me Kitni Pagal Hoti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Jab darwaazy Par Dastak Ho,
ya Ghanti Fon ki Bajti Ho,
Me Chhor Kar Sab Kuch Bhagti Hun,
Par Tum Ko Jo Naa daikhun To,
G Bhar Kar Rony Lagti Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Mehfil Me Kahin Par Jaana Ho,
Kapro'n Ka selection Karna ho,
Rango'n Ki DhanakSi Bhikri Ho,
Uss Rang Pe DIL Aa Jaata Hai,
Jo Rang Tum Ko Bhaata Hai,
Main Aisi Mohabbat Karti Hoon,
Tum Kaisi Mohabbat Karty Ho..?

Rozana Apny College Me,
kisi Or Ka Lacture Sunty Howy,
ya Break K Khaali Ghanto'n Me,
Sakhiyo'n Se Baatein Karty Howy,
Mere Dhayaan Me Tum Aa Jaaty Ho,
Me, Me nahi Rehti Phir Jaana,
Me Tum Me Gum Ho Jaati Hun,
Bas Khawabo'n Me Khooo Jati Hun,
Un Aankho'n Me Kho Jaati Hun,
Main Aisi Mohabbat Karti Hoon,
Tum Kaisi Mohabbat Karty Ho..?

Jiss Chehry Par Nazar Pary,
Wo Chehra Tum saa Lagta Hai,
Wo Shaam Ho Yaa K Dhop Samy,
Sab Kitna Bhala Sa Lagta Hai,
Jaany Yeh Kaisa Nasha Hai,
Garmi Ka Tapta Mosam Bhi,
Jaary Ka Maheena Lagta Hai,
Main Aisi Mohabbat Karti Hoon,
Tum Kaisi Mohabbat Karty Ho..?

Tum jab Bhi Saamny Aaty Ho,
Main Tum Se Sun'na Chahti Hun,
Ay Kaash Kabhi Tum Yeh Keh Do,
Tum Mujh Se Mohabbat Karty Ho,
Tum Mujh Ko Be-Hadd Chahty Ho,
Lekin Tum Jaany Q Chup Ho,
Yeh Soch K Dil Ghabraata Hai,
Aisa To Nahi Hai Na Jaana'n
Sab Meri Nazar Ka Dhoka Hai,
Tum Ne Mujhko Chaha Hi Na Ho,
Koi Or Hi Dil Me Rehta Ho,
Me Tum Se Pochna Chahti Hun,

Me Tum Se Kehna Chahti Hun,
Lekin Me Kuch Pooch Nahi Sakti,
Mana K Mohabbat Hai Phir Bhi,
lab Apny Khol Nahi Sakti,
Khawabo'n Me Buhat Kuch Bolti Hun,
Par Saamny Chup He rehti Hun,
Larki Hun Kese Keh Dun,
Main Kesi Mohabbat karti Hun,
Me Tum Se Yeh Kaise Pochun?
Tum Kesi Mohabbat Karty Ho..?
Main Aisi Mohabbat Karti Hoon,
Tum Kaisi Mohabbat Karty Ho..?